مجلة ميان العرب | الكرامه وهيبتك وشواربك والعيب كلها تضيع من اتحب مجلة ميان العرب

الكرامه وهيبتك وشواربك والعيب كلها تضيع من اتحب

img
شعر 0 admin

مدري اشخبط ابالي
وعلى حيطان روحي اكتب

ماتقراني مطره بماي
العوچيه تره استفهام
من يقراها المحدب

شبيها الناس اشو ياهو الاعزه يروح
معاشر ناس لو مغرب

اوكعو من عيني مثل الطير من ايطيح
بيا يدة هوى يچلب

انه ادري النهر خلص حياته اوداع
من يشتاگ يرجع حب

مو باب وعشت عمري احسن منل باب
الضربني بوجها ماغنتب

الطيحه امرايتك طيح وتعرف الناس
نص اكشور نصهم لب

من شفته وعرفته مخبل الناعور
مره ايشيل مره يذب

هضيمه ابيتك انته وكعدتك خطار
عكب. ماجنت المعزب

مرات الصدك بالعشك مايراد
حلات العاشك ايجذب

من تلكه اليودعك مايچلب بيك
من يحجي ابرود اعصاب وانته اتشب

الكرامه وهيبتك وشواربك والعيب
كلها تضيع من اتحب

 

الشاعر أحمد صباح – صلاح الدين -العراق

Author : admin

admin

RELATED POSTS

Leave A Reply

Show Buttons
Hide Buttons
Translate »